ဦးသိန်းလှ

သို့

             ဦးသိန်းစိန်

             နိုင်ငံတော်သမ္မတကြီး

             နိုင်ငံတော်သမ္မတရုံး

             နေပြည်တော်

                                                                   ရက်စွဲ ။  ၂၀၁၃ ခုနှစ်၊ စက်တင်ဘာ လ  ၂       ရက်

အကြောင်းအရာ။           ။  လယ်မြေကို လယ်နီးချင်းဖြစ်သူ ဦးသောင်းညိုမင်းမှ မတရား အဆင့်ဆင့် သိမ်းပိုက်ထားခြင်းကိစ္စ။

             အထက်ပါကိစ္စနှင့် ပတ်သက်၍ ကျွန်တော်ဦးသိန်းလှ၊  မှတ်ပုံတင်အမှတ်  (စီဇက်အန် - ၁၁၂၂၉၇)နှင့် ဖခင်ဖြစ်သူ ဦးတိုး (ကွယ်လွန်) သည် ၁၉၉၆ ခုနှစ်၊ မေလ (၉)ရက်နေ့တွင် ဦးစိုးတင့် (နိုင်ငံတော်ထံမှ လယ်ဧက - ၅၀၀ လုပ်ပိုင်ခွင့်ရသူ)ထံမှ၊ ညောင်တုန်းကျွန်း၊ ကွင်းအမှတ် - ၃၆၄ (ဂ)၊ ၃၆၅ (ဂ) ကျွန်းဦးခေတ္တိရလယ်မြေဧက (၅၀)ကို လယ်မြေပိုင်ဆိုင်ခွင့် စာချုပ် (ပူးတွဲ-၁)အရ လွှဲပြောင်းရယူ ပိုင်ဆိုင်ခဲ့ပါသည်။

              အဆိုပါလယ်မြေများကို ရယူပိုင်ဆိုင်ပြီး၊ မြေရိုင်းများဖြစ်နေသည့်အတွက် ၁၉၉၆ ခုနှစ်တွင် ကိုယ်တိုင် လယ်ကွက်ဖော်ခြင်း၊ လယ်တဲဆောက်ခြင်းနှင့် လယ်ထွန်စက်၊ ရေစုပ်စက် တို့ကို ဝယ်ယူပြီး၊ လယ်မြေရိုင်းများကို လိုအပ်သလို ပြုပြင်၍ နွေစပါးကို နှစ်စဉ်စိုက်ပျိုးခဲ့ ပါသည်။

             ထို့အပြင် ၁၉၉၆ ခုနှစ်တွင် ဒေသခံ ဦးညွန့် (ငှက်ပျောကျွန်းရွာသား)ထံမှ ပြုပြင်ပြီး၊ လယ်မြေ (၁၆)ဧက (လယ်ခွန်ပြေစာထွက်ပြီး)ကို ပူးတွဲ -၂ ပါစာချုပ်အရ ထပ်မံဝယ်ယူခဲ့သည့် အတွက် ကျွန်တော်၌ ကိုယ်ပိုင်လယ်မြေ စုစုပေါင်း (၆၆)ဧက ဖြစ်လာပါသည်။ ၁၉၉၆ ခုနှစ်မှ ၂၀၀၃ ခုနှစ်အထိ လယ်ခွန်ပြေစာများကို (ပူးတွဲ -၃) ဖြင့် တင်ပြအပ်ပါသည်။

- ၂ -

             ကျွန်တော်သည် ၁၉၉၆ ခုနှစ်မှ ၂၀၀၃ ခုနှစ်အထိ လယ်မြေများကို (၇)နှစ်ခန့် အေးချမ်းစွာလုပ်ကိုင်ခဲ့ပါသည်။ (ပူးတွဲ - ၄ နှင့် ပူးတွဲ - ၅ ကို တင်ပြထားပါသည်။) အဆိုပါ လယ်မြေများကို လုပ်ကိုင်ရန်အတွက် နိုင်ငံတော်ထံမှ ဒီဇယ်ဆီ (၈၆)ဂါလံရရှိခဲ့ပါသည်။ ( ပူးတွဲ - ၆ ဖြင့် တင်ပြထားပါသည်။ )

             ၂၀၀၃ ခုနှစ်တွင် ကျွန်တော်၏ လယ်မြေနှင့် တစ်ဆက်တစ်စပ်တည်းရှိသော ဦးသောင်းညိုမင်း၊ အဘ ဦးသောင်းညွန့် (စစ်မှုထမ်း-ငြိမ်း)က၊ ကျွန်တော်၏ လယ်မြေကို ကျူးကျော်ဝင်ရောက်ပြီး၊ ငါးကန်များတူးခဲ့ပါသည်။ ငါးကန်တူးသောလယ်မြေမှာ (၁၇)ဧကခန့် ဖြစ်ပါသည်။ ဦးသောင်းညိုမင်းသည် ၁၉၉၇ ခုနှစ်တွင် ဦးစိုးတင့် (နိုင်ငံတော်ထံမှ လယ်ဧက ၅၀၀ လုပ်ပိုင်ခွင့်ရသူ)ထံမှ ကျွန်တော်ကဲ့သို့ လယ်မြေများကို တစ်ဆင့်ဝယ်ယူခဲ့သူ ဖြစ်ပါသည်။

             ကျွန်တော်ဦးသိန်းလှသည် ၂၀၀၄  - ၂၀၀၅ ခုနှစ်အတွက် မြေခွန်ပေးဆောင်ရန်၊ မြေစာရင်းဦးစီးဌာန၏ ကိုယ်စားလှယ်ဖြစ်သူ ကျွန်းဦးရွာ စာရေး (ဖိုးတရွာ) ထံမှ ပြေစာ ထုတ်ယူသည့်အခါ မိမိပိုင်ဆိုင်သော လယ်မြေကွင်းအမှတ် (၁/၄) (၂/၅) (၃/၃)တို့သည် ဦးသိန်းလှ အမည်မဟုတ်တော့ပဲ၊ ဦးသောင်းညိုမင်းအမည်ဖြင့် ပြေစာထွက်နေကြောင်း မြင်တွေ့ခဲ့ရပါသည်။ ထိုစဉ်က ကျွန်တော်နှင့် ဦးသောင်းညိုမင်းတို့သည် တစ်ဦးနှင့် တစ်ဦး လယ်မြေပိုင်ဆိုင်မှုနှင့် ပတ်သက်၍ ငှားရမ်းခြင်း၊ ရောင်းချခြင်း လုံးဝမပြုလုပ်ခဲ့ပါ။

             ၄ - ၇ - ၂၀၀၅ ရက်နေ့တွင် ဒေသခံရွာသားတစ်ဦးဖြစ်သူ ဦးဇော်ဝင်းက ကျွန်တော် အိမ်တွင် မရှိခိုက်၊ ကျွန်တော်ဇနီးအား အကြောင်းရင်းမှန် ရှင်းမပြဘဲ၊ ကျပ်ငွေ - ၆၀၀၀၀၀ိ/- (ကျပ်ခြောက်သိန်းတိတိ) ပေးအပ်ခဲ့ရာ ဇနီးဖြစ်သူက ငွေလက်ခံရရှိကြောင်း လက်မှတ်ရေးထိုး ပေးလိုက်သည်ကို ကျွန်တော်အိမ်ပြန်ရောက်မှ သိရှိခဲ့ရပါသည်။

             အဆိုပါဖြစ်စဉ်များအား မြို့နယ် အေးချမ်းသာယာရေးနှင့် ဖွံ့ဖြိုးရေးကောင်စီ ညောင်တုန်းမြို့ သို့ (ပူးတွဲ - ၇ - ပူးတွဲ -၈) တို့ဖြင့်တိုင်ကြားခဲ့ပါသည်။ သို့သော် ၂၀၀၆ - ၂၀၀၇ ခုနှစ်တွင် ဦးသောင်းညိုမင်းသည် ၎င်းပိုင်ဆိုင်သော လယ်မြေများကို တိုင်းတာရန် အကြောင်းပြ၍ ခရိုင်နှင့်တိုင်း၏ အမိန့်ဖြင့် ကျွန်တော် ဦးသိန်းလှပိုင်ဆိုင်သော လယ်မြေများကို ညောင်တုန်းမြေစာရင်း၊ အဖွဲ့စုံဖြင့် တိုင်းတာအလံစိုက်ပြီး၊ ဦးသောင်းညိုမင်းက ရယူပိုင်ဆိုင်ခဲ့ ပါသည်။ ထိုအချိန်မှ စ၍ ကျွန်တော်လယ်စိုက်ပျိုးခွင့် မရတော့ပါ။

- ၃ -

             တင်ပြပါလယ်မြေအငြင်းပွားမှုများကို လယ်ယာစိုက်ပျိုးရေးနှင့် ဆည်မြောင်းဝန်ကြီး ဌာန နေပြည်တော်သို့ (ပူးတွဲ - ၉)ဖြင့် တိုင်ကြားခဲ့ပါသည်။ ထိုသို့ လယ်မြေကိစ္စများအတွက် သက်ဆိုင်ရာရုံးများသို့ အခေါက်ခေါက်အခါခါ သွားရောက်တင်ပြ၊ စုံစမ်းမေးမြန်းရသည့်ပြင်၊ ကျွန်တော်မှာ လယ်မြေလုပ်စရာ မရှိတော့ပဲ၊  လူမူရေး၊ စီးပွားရေးကြပ်တည်းလာသည့်အတွက် မင်္ဂလာဒုံ စစ်သူနာပြု တက္ကသိုလ် ပထမနှစ်ကျောင်းသား၊ ကျွန်တော်၏ တတိယမြောက်သား ဖြစ်သူ မောင်မျိုးသက်ပိုင်သည်လည်း ကြိုးဆွဲချသေဆုံးခဲ့ခြင်းကြောင်း၊ ကျွန်တော်ဘ၀မှာ စီးပွားဆုံး သားဆုံးဘ၀ဖြင့် ကြုံတွေ့ခဲ့ရပါသည်။

             တဖန် ၆ - ၄ - ၂၀၀၉ ရက်နေ့တွင် ညောင်တုန်းမြို့နယ်၊ မြေစာရင်းဦးစီးဌာနမှ ကျွန်တော်အားခေါ်ပြီး၊ လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ ၀န်ကြီး၏ မိန့်မှာချက် အရ အထက်အဆင့်ဆင့်သို့ ဆက်လက်တိုင်ကြားခြင်းမပြုရန် ၀န်ခံဂတိလက်မှတ်ရေးထိုးခဲ့ရပြီး၊ (ပူးတွဲ - ၁၁ နှင့် ပူးတွဲ - ၁၂) မြေစာရင်းဦးစီးအရာရှိကပင် ကျေးရွာ ဥက္ကဋ္ဌထံတွင် မြေယာမှုခင်း ဖွင့်လှစ်ရန် အကြံပြုခဲ့ပါသည်။

             မြို့နယ်မြေစာရင်းဦးစီးအရာရှိ၏ အကြံပြုချက်အတိုင်း၊ ကျွန်တော်သည် ကျွန်းဦး ခေတ္တိယ ကျေးရွာ ဥက္ကဋ္ဌ ဦးရွှေစိုးထံ လယ်ယာမှုခင်း (ပူးတွဲ - ၁၃) ဖွင့်လှစ်တိုင်ကြားခဲ့ရာ၊                                     ၂၁ - ၆ - ၂၀၀၉ ရက်နေ့တွင် ကျေးရွာဥက္ကဋ္ဌက ဆင့်စာ ( ပူးတွဲ - ၁၄ ) ခေါ်ခဲ့ပါသည်။                      ၂၅ - ၆ - ၂၀၀၉ ရက်နေ့၊ နံနက် (၁၀)နာရီတွင် ကျွန်တော်နှင့် ဦးသောင်းညိုမင်းအား နှစ်ဦး နှစ်ဘက် ဆင့်ခေါ်ခဲ့သော်လည်း ဦးသောင်းညိုမင်းမလာရောက်သည့်အတွက် ကျွန်တော်ကိုသာ စစ်ဆေးမေးမြန်းခဲ့ပါသည်။ ထို့နောက် လယ်ယာမှုခင်းအခြေအနေမှာ ထူးခြားမှုမရှိ၍ ကျွန်တော်သည် မြို့နယ်အေးချမ်း သာယာရေးနှင့် ဖွံ့ဖြိုးရေးကောင်စီရုံး၊ ညောင်တုန်းမြို့သို့ (ပူးတွဲ - ၁၅) ဖြင့် ဆက်လက်တင်ပြ တိုင်ကြားခဲ့ပါသော်လည်း ယနေ့အထိ ထူးခြားမှုမရှိခဲ့ပါ။

             သို့ပါ၍ ကျွန်တော် ဦးသိန်းလှသည် နစ်နာဆုံးရှုံးခဲ့ရသော လယ်မြေများကို မြို့နယ်၊ ခရိုင်အဆင့်ဆင့်သို့ တင်ပြတိုင်ကြားခဲ့သော်လည်း ဆောင်ရွက်ပေးခဲ့ခြင်းမရှိသည့်အတွက် နိုင်ငံတော်သမ္မတကြီးထံသို့ အသနားခံတင်ပြတိုင်ကြား အပ်ပါသည်။

                                                        
                                                                              ရိုးသေလေးစားလျှက်

             

                                                                                    ( ဦးသိန်းလှ )

                                                                     မှတ်ပုံတင်အမှတ်- (စီဇက်အန်-၁၁၂၂၉၇)
 

                                                                  အမှတ် (၉၃၇)၊၂က၊ ၂ခ၊ ရွှေယင်းမာ(၄)လမ်း၊

                                                                
                                   ၂၄ရပ်ကွက် ဒဂုံမြို့သစ်(တောင်ပိုင်း)မြို့နယ်ရန်ကုန်မြို့။ ဖုန်း - ၀၉ ၇၃၁၄၁၁၄၆

မိတ္တူကို   -

             ၁။    ဦးခင်အောင်မြင့်(နာယကပြည်ထောင်စုလွှတ်တော်ဥက္ကဋ္ဌ၊ အမျိုးသားလွှတ်တော်)

             ၂။    သူရဦးရွှေမန်း (ဥက္ကဋ္ဌ၊ ပြည်သူ့လွှတ်တော်)

             ၃။    ဦးမြင့်လှိုင် (ပြည်ထောင်စုဝန်ကြီး၊ လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန)

             ၄။    ဒေါ်အောင်ဆန်းစုကြည်

                    (ဥက္ကဋ္ဌ၊ တရားဥပဒေစိုးမိုးရေးနှင့် တည်ငြိမ်အေးချမ်းရေးကော်မတီ)

             ၅။    ဦးတင်ထွဋ် (ဥက္ကဋ္ဌ၊ မြေယာအသိမ်းခံရသူများစုံစမ်းရေးကော်မရှင်)

             ၆။    ဦးသိန်းအောင် (၀န်ကြီးချုပ်၊ ဧရာဝတီတိုင်းဒေသကြီး)

             ၇။    ဥက္ကဋ္ဌ၊ တိုင်းဒေသကြီးလွှတ်တော် (ဧရာဝတီတိုင်းဒေသကြီး)

             ၈။    တိုင်းအထွေထွေအုပ်ချုပ်ရေးမှူး (ဧရာဝတီတိုင်းဒေသကြီး)

             ၉။    ခရိုင်အထွေထွေအုပ်ချုပ်ရေးမှူး (မအူပင်ခရိုင်)

             ၁၀။  ခရိုင်မြေစာရင်းဦးစီးမှူး (မအူပင်ခရိုင်)

             ၁၁။  မြို့နယ်အထွေထွေအုပ်ချုပ်ရေးမှူး (ညောင်တုန်း)

             ၁၂။  မြို့နယ်မြေစာရင်းဦးစီးမှူး (ညောင်တုန်း)

             ၁၃။  ကျေးရွာအုပ်ချုပ်ရေးမှူး (ကျွန်းဦး၊ ခတ္တိယ)

             ၁၄။  မြို့နယ်အုပ်ချုပ်ရေးမှူး၊ ဒဂုံမြို့သစ် (တောင်ပိုင်း) မြို့နယ်၊

             ၁၅။  ရပ်ကွက်အုပ်ချုပ်ရေးမှူး၊ (၂၄) ရပ်ကွက်၊ ဒဂုံမြို့သစ် (တောင်ပိုင်း)မြို့နယ်။

             ၁၆။  လက်ခံ

ဖြန့်ဝေခြင်း

             ၁။    မတူကွဲပြားရေးနှင့် ငြိမ်းချမ်းရေးပါတီ

             ၂။    အမျိုးသားဒီမိုကရေစီအဖွဲ့ချုပ်

             ၃။    (၈၈)ကျောင်းသားများအဖွဲ့

             ၄။    ဒီမိုကရက်တစ်ပါတီ (မြန်မာပြည်)

             ၅။    ပြည်ထောင်စုကြံ့ခိုင်ဖွံ့ဖြိုးရေးပါတီ