" ပြည်သူလူထု၏တိုက်ရိုက်တရားစီရင်မှု

" ပြည်သူလူထု၏တိုက်ရိုက်တရားစီရင်မှု လုပ်ရတော့မည် "

ြေ ပြည်သူ လူထု၏တိုက်ရိုက်တရားစီရင်မှုလုပ်ရန် ဘာကြောင့်လိုအပ်သနည်း၊ တိုတိုပြောရလျင် တရားဥပဒေ စိုးမိုးမှုလွန်စွာအားနည်းသောကြောင့်ဟု ပြောချင်ပါသည်။

တစ်ရွာလုံး တစ်ရပ်ကွက်လုံးအပေါ် တစ်စုံတစ်ယောက်က ဥပဒေမဲ့အနိုင်ကျင့်စော်ကားခြင်း၊ မထေမဲ့မြင် လုပ်ခြင်း၊ ကိုယ်ကျိုးအတ္တအတွက်လုပ်ခြင်းတို့သည် တစ်ရွာလုံး၊ တစ်ရပ်ကွက်လုံးကို စိတ်ပိုင်းဆိုင်ရာ၊ လုပ်ငန်း ပိုင်းဆိုင်ရာ၊ သွားလာရေးဆိုင်ရာတို့ကို ထိခိုက်စေမှုမျိုးဖြစ်စေပြီး တစ်ရွာလုံး၊ တစ်ရပ်ကွက်လုံးက ခံနေရသည် ဆိုလျင် ထိုတစ်ရွာလုံး၊ တစ်ရပ်ကွက်လုံးရှိပြည်သူများ အလွန်အသုံးမကျခြင်းကြောင့်ဟု ကျွန်တော်သတ်မှတ် ပါသည်။

  ပြည်သူလူထုမှ တိုက်ရိုက်တရားစီရင်ခြင်းပြုလျင် အလုပ်များလွန်းသောကြောင့် မတရားခံရမှုများ၏အရေးကို အချိန်မီဖြေရှင်းမပေးနိုင်သော အုပ်ချုပ်ရေးကဏ္ဍကို ကူညီမှုပေးရာ ရောက်မည်၊ ပြည်သူအတွက် အကျိုးကျေး ဇူးကောင်းရရှိနိုင်မည့် ဥပဒေများပေါ်ပေါက်မှုနှောင့်နေးနေသော ဥပဒေပြုရေးကဏ္ဍကိုလည်း ကူညီရာရောက် မည်၊ ငွေ၊ ရာထူး၊ ပတ်သက်ရာပတ်သက်ကြောင်းများဖြင့် ကာရံဟန့်တားခံနေရသဖြင့် တရားစီရင်မှုတွင်အကျပ် အတည်းတွေ့နေသော တရားစီရင်ရေးကဏ္ဍကိုလည်း ပံ့ပိုးရာရောက်မည်ဟု အခိုင်အမာပြောရဲပါသည်။

ြ   ပြည်သူလူထု၏တိုက်ရိုက်တရားစီရင်မှုပြုလုပ်မည့် ကိစ္စရပ်တစ်ခုကို ဥပမာပြပါမည်၊
ကျွန်တော်နေသည့် ရပ်ကွက်တွင်တွေ့ကြုံနေရသောကိစ္စကိုပြရပါလိမ့်မည်၊ ရပ်ကွက်ပန်းခြံဟု မူလကသတ်မှတ်ထားသော မြေနေရာကို မည်ကဲ့သို့လုပ်လိုက်သည်မသိ ပုဂ္ဂလိကပိုင်အဖြစ်သို့ ပြောင်းလဲသွားသည်၊ ပိုင်ရှင်က ဦးသန်းထွန်းအောင် (ဗိုလ်ချုပ်စောထွန်း-ငြိမ်း ၏ သားမက်တော်သည်) လမ်းလေးဘက်ပါရှိမြေနေရာကို ရရှိသွားပြီး အများပြည်သူသုံး လမ်းကို ဟိုတစ်ဘက်၊ ဒီတစ်ဘက်မှပိတ်ဆိုကာရံပြီး ကိုယ်ပိုင်မြေအဖြစ် သုံးဖို့လုပ်နေသည်၊ 



(ဓါတ်ပုံနှင့်မူလရပ်ကွက်မြေပုံကို ပူးတွဲဖော်ပြပါသည်)
 စတင်လုပ်စဉ်မှာ ရပ်ကွက်က သတိမထားမိ၊ ကျွန်တော်သတိထားမိသည်၊ ကိုယ့်အတ္တ၊ လောဘ၊ ကိုယ်ကျိုးအတွက် အများကိုထိခိုက်လျင်၊ မထေမဲ့မြင်လုပ်လျင် မနေတတ်သော ကျွန်တော့်ဗီဇကြောင့် ခြံပိုင်ရှင်ဖြစ်သွားသူထံသို့ ထိုသို့မဆောင်ရွက်ရန် မေတ္တာရပ်ခံစာ အလျင်ဆုံးပေးပို့ တားမြစ်ခဲ့သည်၊ ဂရုမစိုက်ပါ၊ ဆက်၍လုပ်သည်။
ကျွန်တော်ပုဂ္ဂိုလ်ရေး မေတ္တာရပ်ခံတားမြစ်ပြီး နောက်ပိုင်း (၃)လကြာသည့်အခါ၊ ရပ်ကွက်အတွင်းသို့ နှစ်စဉ် ဒီရေ၀င်ရောက်မှုကြောင့် ရပ်ကွက်နှင့်ဆိုင်သော ငမိုးရိပ်ချောင်းကမ်းပါးတစ်လျောက်ကို တာဘောင်မြှင့်တင် မြေဖို့ရန်ကိစ္စပေါ်လာသည်၊ ထိုလုပ်ငန်းဆောင်ရွက်သည့်အခါ၊ ထိုပုဂ္ဂိုလ် ခြံခတ်ပိတ်ဆိုထားသော နေရာအတွင်း ကျရောက်နေသည့်ကမ်းနားကို မြေဖို့ရန် မြေကားများဝင်ရောက်မရသည့် ပြဿနာ ကြုံတွေ့သည်၊ ထိုအခါမှ ရပ်ကွက်နေပြည်သူအများစု ထင်ထင်ရှားရှား သိမြင်လာတော့သည်၊ ထိုကြောင့် ဟိုလူကသွားပြော သည်လူက သွားပြောဖြင့် ပြောခဲ့သော်လည်း ဂရုမစိုက်သည့်သဘောကိုသာ မြင်ကြရသဖြင့် တစ်ရပ်ကွက်လုံးအရေးအဖြစ် ရှုမြင်လာပြီး ဆောင်ရွက်စရာရှိသည်တို့ကို ရပ်ကွက်က တည်ဆဲဥပဒေနှင့်အညီစတင်ဆောင်ရွက်ခဲ့ကြသည်။
ရပ်ကွက်အတွင်းနေထိုင်သူများထဲမှ ရပ်ကွက်ကိုယ်စားပြု ပုဂ္ဂိုလ်(၅)ဦးလက်မှတ်ထိုးပြီး သက်ဆိုင်ရာသို့ အများ ပြည်သူပိုင်လမ်းကို ဖယ်ရှားရှင်းလင်းပြီး နေသားတကျပြန်ထားရှိရေး ဆောင်ရွက်စေရန် သက်ဆိုင်ရာသို့ စာတင်ခဲ့သည်၊

 ထိုစာကို ရပ်ကွက်မှရေးခိုင်းသဖြင့်ကျွန်တော်ရေးသည် ၊ ရပ်ကွက်ကိုယ်စားပြု၍ ၀န်ကြီးချုပ် ဦးသိန်းအောင် (ဧရာဝတီတိုင်းဒေသကြီးဝန်ကြီးချုပ်)၊ ဗိုလ်ချုပ်သိန်းငွေ(ငြိမ်း)၊ ဦးညိုမင်းလွင်၊ ဗိုလ်ချုပ်အေးကြွေ(ငြိမ်း)နှင့် ဗိုလ်ချုပ်မောင်ညို(ငြိမ်း) တို့ အစဉ်လိုက်လက်မှတ်ထိုးပြီး ၊ ဓါတ်ပုံ၊ ရပ်ကွက်မူလ မြေစာရင်းမြေပုံတို့နှင့်တကွ၊ ၀န်ကြီးချုပ်ဦးသိန်းအောင်မှ ရန်ကုန်တိုင်းဒေသကြီး ၀န်ကြီးချုပ်ဦးမြင့်ဆွေထံသို့ ဥပဒေနှင့်အညီဆောင်ရွက်ပေးရန် (၂၅.၁.၁၄)ရက်နေ့၊ နေ့စွဲ ဖြင့် တင်ပြပေးပို့ခဲ့သည်၊ ၂၇.၁.၁၄ ရက်နေ့တွင် ရန်ကုန်တိုင်းဒေသကြီးဝန်ကြီးချုပ်မှ သူ၏ကိုယ်ရေးအရာရှိကို လာရောက်ကြည့်ရှု့ခိုင်းပြီး လိုအပ်သလိုအရေးယူ ပေးမည်ဟု သတင်းစကားပြောကြားခဲ့သည်၊ မထူးခြားပါ ဓါတ်ပုံပါ အခြေအနေအတိုင်းပင်ရှိနေခဲ့သည်။

ရန်ကုန်တိုင်းဒေသကြီးဝန်ကြီးချုပ်သည် အုပ်ချုပ်ရေးပိုင်းတွင် အမြင့်ဆုံး၊ အသက်ဆိုင်ဆုံးပုဂ္ဂိုလ်ဖြစ်သည်၊ သူ့အနေဖြင့် တိုက်ရိုက်ဆောင်ရွက်မရဟုထင်သည်၊ ရန်ကုန်မြို့တော်ဝန်ထံသို့ လွှဲလိုက်သည်ဟုသိရသည်၊ သို့သော် ယနေ့အထိအကြောင်းမထူး၊ ၀န်ကြီးချုပ်ဦးသိန်းအောင်က အကြောင်းမထူးလျင် လွှတ်တော်နှင့် နောက်ဆုံးသမ္မတအထိတင်မည်ဟုတော့ ရပ်ကွက်ကို အသိပေးပါသည်၊ ကျွန်တော်စိတ်ထဲမှာတော့ ဘာမျှ ထူးထူးခြားခြားဖြစ်လာမည်မထင်ဟု မြင်ယောင်နေမိသည်။

ယနေ့အထိလည်း မည်သို့မျှထူးခြားမလာသောကြောင့် ပြည်သူလူထု၏တိုက်ရိုက်တရားစီရင်ခြင်းကို ပြုလုပ်ရပါတော့မည်။
ထိုသို့လုပ်မည်ဆိုလျင်-အများပြည်သူပိုင်လမ်းကို ရပ်ကွက်အစီအစဉ်ဖြင့်ပြန်လည်ရယူပါမည်၊ ထိုသို့မလုပ်မီ ဤ၀ိုင်းခြံသည် မူလသတ်မှတ်ချက် ရပ်ကွက်ပန်းခြံမှ ပုဂ္ဂလိကပိုင်ဆိုင်ခွင့် မည်ကဲ့သို့ ရရှိခဲ့ကြောင်းနှင့် တည်ဆဲဥပဒေနှင့်တစ်စုံတစ်ရာညိစွန်းမှုရှိ/မရှိ အထူးစုံစမ်းစစ်ဆေးရေး(စစစ)သို့ စုံစမ်းစစ်ဆေး၊ အရေးယူနိုင်ရန် ပေးပို့မည်ဖြစ်ပါသည်။ 

ဤ၀ိုင်းခြံအား အရောင်းအ၀ယ်၊ အငှားအရမ်းနှင့်ဆက်လက်ဆောက်လုပ်ခြင်း တစ်စုံတစ်ရာမျှ မပြုနိုင်စေရန် အကောင်းဆုံးနည်းလမ်းဖြင့်တားမြစ်သွားမည်၊ ထိုဝန်းခြံအတွင်း လူများလာရောက်နေထိုင်ခြင်း အတွက် ရပ်ကွက်အုပ်ချုပ်ရေးမှူးရုံးတွင် ဧည့်စာရင်း မပေးရန်လည်း ရပ်ကွက်မှတားမြစ်သွားမည်၊ မြို့နယ်အဆင့်များက တိုင်းဒေသကြီးအဆင့်မှ ဥပဒေနှင့်အညီဆောင်ရွက်ခိုင်းပါလျှက် မလုပ်လျင် မြို့နယ်အဆင့်တာဝန်ရှိ ၀န်ထမ်းများသို့ ဥပဒေနှင့်အညီအရေးယူနိုင်ရန်လုပ်ဆောင်မည်။

ြုဲလူထု၏တိုက်ရိုက်တရားစီရင်ခြင်းပြုသည့်အခါ -ပွင့်လင်းထင်သာမြင်သာရှိကြောင်းပြသရန် ဖိတ်ကြားသင့်သည့်တာဝန်ရှိသူများကိုဖိတ်ကြားမည့်အပြင် မြို့နယ်စည်ပင်သာယာအုပ်ချုပ်ရေးမှူး နှင့် မြို့နယ်မြေ စာရင်းဦးစီးဌာနမှတာဝန်ရှိသူများ၊ သတင်းမီဒီယာများကို ဖိတ်ကြားပြီး ထိုသူများရှေ့တွင် ဆောင်ရွက်ပါမည်။

တစ်ခုတော့ပြောချင်ပါသည်၊ ပြည်သူလူထု၏တိုက်ရိုက်တရားစီရင်ခြင်းပြုလုပ်လျင် မြန်မာနိုင်ငံတွင် ပထမဆုံး သောကိစ္စရပ်ဖြစ်လာမည်။ အစရှိ အနောင်နောင် မဖြစ်စေလိုပါက၊ သက်ဆိုင်ရာများမှ ဤကိစ္စကို အမြန် ဆုံးအရေးယူဆောင်ရွက်ပေးရန် လိုမည်ဖြစ်ပါကြောင်း ဤအဖြစ်မှန်ဆောင်းပါးဖြင့် ကြိုတင်အချိန်ပေး အသိပေးအပ်ပါသည်။

ညိုမင်းလွင်
အကွက်(၃၀)နေပြည်သူ သုဝဏမြို့